സസ്യകോശം Plant Cell സസ്യകലകൾ Plant tissues സസ്യ ശാസ്ത്രം Botany LDC-LGS-LP UP Assistant

Plant Cell സസ്യകോശം

സസ്യ ശാസ്ത്രം

സസ്യകോശം

സസ്യകോശങ്ങൾക്ക്, കോശസ്തരത്തിനു പുറമെ സെല്ലുലോസ് കൊണ്ടുള്ള കോശഭിത്തി കൂടിയുണ്ട്.

സസ്യകോശത്തിൽ മാത്രം കാണുന്ന കോശാംഗ ങ്ങളാണ്പ്ലാസ്റ്റിഡുകൾ (ജൈവകണങ്ങൾ).

സസ്യകലകൾ

Plant Tissues സസ്യകലകൾ

മൃദുവായ സസ്യഭാഗങ്ങളിൽ കാണപ്പെടുന്ന സസ്യകലയാണ് പാരൻകൈമ (Parenchyma). (ഇവ പ്രകാശസംശ്ലേഷണത്തിനും ആഹാരസംഭരണത്തിനും സഹായിക്കുന്നു)

സസ്യഭാഗങ്ങൾക്ക് വഴക്കവും താങ്ങും നല്ലുന്ന കലയാണ് കോളൻകൈമ.

ഇവ കോശഭിത്തിയുടെ മൂലകളിൽ മാത്രം കാണുന്നു.

സസ്യഭാഗങ്ങൾക്ക് താങ്ങും ബലവും നല്ലുന്ന കലകളാണ് സ്ക്ലീറൻകൈമ. (Sclerenchyma)

വേര് ആഗിരണം ചെയ്യുന്ന ജലവും ലവണങ്ങളും ഇലകളിലെത്തിക്കുന്ന കലകളാണ് സൈലം (Xylem).

ഇലകളിൽ തയ്യാറാക്കിയ ആഹാരം സസ്യങ്ങളുടെ വിവിധ ഭാഗങ്ങളിലെത്തിക്കുന്ന കലകളാണ്ഫ്ളോയം.

സസ്യഹോർമോണുകൾ

സസ്യങ്ങളുടെ നീളം വർധിക്കാൻ സഹായിക്കുന്ന ഹോർമോണാണ് ഓക്സിൻ.

ഓക്സിനുമായി ചേർന്ന് സസ്യങ്ങളിൽ കോശവിഭജനവും കോശവൈവിധ്യവത്കരണവും കോശ വളർച്ചയും സാധ്യമാക്കുന്ന ഹോർമോണാണ് സൈറ്റോകിനിൻ.

പുഷ്ടിക്കലിനെയും ഇലകളുടെയും ഫലങ്ങളുടെയും വളർച്ചയെയും നിയന്ത്രിക്കുന്ന ഹോർമോണാണ് ജിബ്ബർലിൻ.

ഫലങ്ങൾ പഴുക്കാൻ സഹായിക്കുന്ന വാതകരൂപത്തിലുള്ള ഹോർമാണാണ് എഥിലീൻ.

പ്രതികൂല സാഹചര്യങ്ങളിൽ സസ്യങ്ങളുടെ നില നില്ലിനെ സഹായിക്കുന്ന ഹോർമാണാണ് അബ്സെസിക് ആസിഡ്.

(ഇലകളും കായ്കളും പൊഴിയാൻ സഹായിക്കുന്ന ഹോർമോണാണിത്)

പ്രകാശ സംശ്ലേഷണം

സസ്യങ്ങളിൽ സൗരോർജത്തെ രാസോർജ്ജമാക്കുന്ന പ്രക്രിയയാണ് പ്രകാശ സംശ്ലേഷണം .

ഹരിത സസ്യങ്ങളിലെ ഇലകളിലാണ് പ്രധാനമായും പ്രകാശ സംശ്ലേഷണം നടക്കുന്നത് ഇലകളിലെ പച്ചനിറമുള്ള ഹരിതകണങ്ങളാണ് പ്രകാശസംശ്ലേഷണത്തിന് സഹായിക്കുന്നത്.

ഹരിതകണം

ഇരട്ടസ്തരമുള്ള കോശാംഗമാണ് ഹരിതകണം.

ഹരിതകണത്തിനുള്ളിലെ ഗ്രാന എന്ന സ്തര പാളികളികളിലാണ് സൂര്യപ്രകാശത്തെ ആഗിരണം ചെയ്യാൻ കഴിവുള്ള വർണകങ്ങൾ ഉള്ളത്.

ഇതിൽ ഹരിതകം a, ഹരിതകം b, കരോട്ടിൻ, സാന്തോഫിൽ എന്നീ വർണകങ്ങളുണ്ട്.

ഹരിതകം a മാത്രമേ പ്രകാശസം ശ്ലേഷണത്തിൽ നേരിട്ട് പങ്കെടുക്കുന്നുള്ളൂ.

മറ്റു വർണകങ്ങളെ സഹായകവർണകങ്ങൾ എന്നു വിളിക്കുന്നു.

സമുദ്രം എന്ന ആവാസ വ്യവസ്ഥയിലെ മുഖ്യ ഉത്പാദകർ ആൽഗകളും മറ്റു ജലസസ്യങ്ങളുമാണ് അന്തരീക്ഷ വായുവിലെ ഓക്സിജന്റെ 70-80% ശതമാനം പ്രദാനം ചെയ്യുന്നത് സമുദ്രത്തിലെ ആൽഗങ്ങളാണ്.